Aksar Rooth Jata Hai Wo | Desh Kumar |

Aksar rooth jata hai mujhse wo bina wajah hi
Bina wajah ab usko mnaaun kaise..

Mujhe pta hai tu hai nhi mera
Par is sach me zindagi bitaaun kaise..

Ajab takleef deti hai ab meri wo achi yadaasht
Har buri baat mujhe yaad hai bhulaaun kaise..

Usne saanso se likha tha mere dil pe apna naam
Pathar-e-dil se naam mitaaun kaise..

Bhool gya tha bichhad ke usse mai andaaz-e-mohabbat
Tpak se mile hai ab to mohabbat jtaaun kaise..

"Aakhiri mulakat hai yeh hmari jo kahna hai kah do"
Ek pal me uspr jeebhar kar pyaar lutaaun kaise..

Mohabbat ka aasmaa nhi, jooth ka dhuaan tha wo
Ye kadwi baat is dil ko samjhaun kaise..

Jlaa diye maine teri joothi wafaa ke sab suboot
Bas mai baaki hu, khud ko jlaaun kaise..

Log puchhte hai mujhse is tarah jungle hone ki wajah
Ab unko koi joothi dastaan sunaaun kaise..

Tujhse judaa hone ka manzar aata hai sapno me nazar
agr aati bhi ho neend to, mai bhlaa so jaaun kaise..

'Desh' mohabbat ne bigaad diya hai tujhko
"Hann magar ekdum se sudhar jaaun kaise"..

-Desh Kumar